Beela，第時要搵你做風水先得！原來呢句話我自己講完都唔記得，當時參觀綠悠生活館感到裏面的能量實在太正，於是就由心發左呢個願，又於是隔左兩個幾月，好多個機緣巧合的情況下，我真係搵左你幫我做風水，因為我舖頭要開張啦！(兩個幾月前我仲係好想搵份穩定收入的工作，然後好快咁儲一筆錢)
雖然我都有上網查過什麼是ACC能量風水，但原來親身體驗過，感覺是來得這麼神奇！之前無論我怎佈置舖頭，還是覺得進入舖頭時有少少唔知點形容的壓迫感，又覺得個商場好雜好舊，會被外間環境影響自己有點不安感，而你只是畫畫膠紙，擦擦火柴，我就已經突然感到有了安全感！而這個能量風水要支持我走上自己的道路，我是一個腦袋轉不停的人，一開始做頭幾個風水符號時，也還會在我的思路中跳一些訊息出來，到後期則左右腦袋的意識先後有點像剛睡醒的矇矓起來，但又很清醒(我找不到其他方法形容了)，接著下來只覺得個腦一片空白，太耐未試過個腦沒有東西在轉了，你問我會否不習慣，大概不習慣的是有點空虛吧！到後來就只覺得眼瞓了（我近來睡眠質素一直也很差呢！)
但整個過程最令我激動的是，當我們砌好曼達拉，你說要接金星的能量來的時候，我面向曼達拉，突然覺得前面有一股電流會令我雙手彈起，然後我覺得個曼達拉好靚好靚，我覺得自己同個曼達拉係一致，然後個腦出現：原來我好靚！我就浸在這個覺得自己好靚的激動之中，這是我從未試過的感覺，我形容這是卡通片才有的情節啊！
在尾聲的時候，我望著你繼續施符號，我突然感受到被愛，很純粹的愛，這是一種久違了的感覺，因為平日我們的生活已被電話侵佔了，最愛的人都在身邊，但大家都各自看電話。我去洗手間時唔覺意見到鏡入面的自己，果刻發現自己真係靚左好多呀！再返入舖頭，想起之前在舖頭試過望到鏡入面的自己覺得好殘好醜樣，我就再照一照，真係靚左，呢啲就叫做滋養吧！
真係好感謝你呀Beela！令我覺得自己的人生有個好好的開始！為愛而活的開始！
P.S.有興趣進一步了解能量風水的朋友，可PM 與Beela 聯絡！
沒有留言:
張貼留言